عزیز صدّیق قرداشلرم !
صوبه مڭ و فيضيلرڭ و صبري و خسروڭ ایكی صو بارداقلرینڭ پارچه پارچه اولمسی دهشتلی بر مصیبتڭ كلدیگنی خبر ويرمشديلر . اوت بزم اڭ قوتلی نقطۀ استنادیمز اولان حقيقي تساند و بربرینڭ قصورینه باقمامق ؛ و خسرو كبی نور قهرمانندن ، بنم یرمده و نورڭ شخص معنویسنڭ چوق اهمّیتلی بر ممثلی اولمه سندن هیچ بر جهتله كوجنمه مك الزمدر ( چوق لازمدر ) . بن قاچ كوندر دهشتلی بر صیقینتی و مأیوسیت حس ایتدیگمدن ، ‘دوشمانلریمز بزی مغلوب ایده جك بر چاره بولمشدر ‘ دییه چوق تلاش ایدردم . هم صوبه م ، هم خیالی عين حقيقت مشاهده م طوغری خبر ویرمشلر . صاقین صاقین صاقین ! چابوق ، شیمدی یه قدر دمیر كبی قوتلی تساندیڭزی تعمیر ایدیڭز . واللّٰه بو حادثه بزم حپسه كیرمه مزدن داها زیاده قرآن و ایمان خدمتمزه خصوصًا بو صیره ده ضرر ویرمك احتمالی قویدر . حتی صبري 1 بیلمه یه رك ، نورڭ ایكی قهرمان فيضيلري 2 دخی صارصديغني مشاهدۀ خياليه ایله كوردم . 3
قونیه لی صبري خالیجی
ایكی فيضيلر ، محمد فيضي ایله احمد فيضي قلدر .
عثمانلیجه شعاعلر ، ص . ٥٤٣ ؛ خیرات وقفی آرشيوي